50

 

სად მიმაქროლებ წუთისოფლის ბრმა ბედაურო?

გზადაგზა უკვე საუკუნის ნახევარს ვითვლი

და რაც დრო გადის მიაჭენებ უფრო და უფრო,

სიბერისაკენ მიიჩქარი, თუ იმის იქით?..

 

განვლილ ცხოვრებას თვალს ვადევნებ და წარსულს ვერ ვთმობ,

როგორც შევძელი აქამომდე ისე ვიცხოვრე...

მადლობელი ვარ ყველაფრისთვის, სიკეთის ღმერთო,

სიყვარულით რომ მასაზრდოვებ და არა მტოვებ.

-----------------

ქემო ქავთარი

შემოდგომა

უკვე ზაფხულიც შემომელია

და შემოდგომა სევდისფერია,

თმაში ჭაღარა გამომერია,

ცხოვრება მაინც მშვენიერია.

 

ღიმილზე მეტი ცრემლი მდენია,

ბევრი ჭრილობა არც მომრჩენია,

ზამთრამდე ცოტაც ხომ დამრჩენია,

ჯერ ყველაფერი არ მიმღერია.

----------------------

ქემო ქავთარი