„ ერთი წუთით, ქალიშვილო,
მჩქეფარე გაზაფხულო!..
დიახ, დიახ... თქვენ მოგმართავთ,
მშვენიერო ასულო!..
თუ მიკადრებთ, იქნებ ცოტა
ყურადღება დამითმოთ?..
წინააღმდეგი ხომ არ ხართ,
ერთმანეთი გავიცნოთ?..
აქვე ახლოს კაფეა და...
გნებავთ, ყავა დავლიოთ?
გეჩქარებათ?.. მაშინ იქნებ
სახლამდე მიგაცილოთ?..
არა, როგორ გეკადრებათ,
მე სულაც არ ვწუხდები...
ერთი წუთით დამელოდეთ,
ახლავე დავბრუნდები!..
ეს ვარდები თქვენ მოგართვით,
მოგწონთ?.. ხომ ლამაზია?
მინდა გითხრათ, რომ ჩემს გულში
ტრფობის ცეცხლი ანთია...“
ასე მინდა, რომ ყოველდღე
სიყვარული აგიხსნა,
შეგხვდე, თავიდან გაგიცნო,
მერე გულში ჩაგიკრა,
ერთად ყოფნის ყოველი დღე
სიხარულით აგივსო...
დღეს თუ უკვე შემიყვარე,
ხვალ თავიდან დავიწყოთ!..
დამიჯერე, უფლის ნებით,
ყველა ნატვრა ახდება...
წლები გადის და სიყვარულს
წვეთიც კი არ აკლდება.
ქემო ქავთარი
--------------------
No comments:
Post a Comment