ღმერთო მაღალო...

ღმერთო მაღალო, ღმერთო ძლიერო!..
ყოვლის შემძლეო, უფალო ჩვენო,
მამაო ჩვენო და ზეციერო,
სულო წმიდაო, ჯვარცმულო ძეო!..

შენ შეგვეწიე, შენ დაგვიფარე,
მოგვეც გაძლება უკეთურ ჟამთა…
ბოროტი ჩვენგან შორს წარიტანე,
გადმოგვაფარე სიკეთის კალთა.

ძალა და მადლი შენი გვფარავდეს,
შეგვიწყალებდე ცოდვილთა შვილთა!..
შეწევნა ღვთისა ავსულს ზარავდეს,
მფარველ ანგელოზთ გვივლენდე ცითა.

ღმერთო მაღალო, შენს სადიდებლად,
ეს სტრიქონები ლოცვად მითქვია...
და სისხლით შენით, ვაზის ნაჟურით,
სავსე ფიალა გამომიცლია.

----------------------
ქემო ქავთარი