ოდითგან ასე ხდება,
ქვეყნად რაც იბადება,
იზრდება და ბერდება,
მოკვდება და გაქრება...
გარბიან წლები წყნარად
და რჩება მოგონება.
დრო გავა, ალბათ ისევ
გაცრუვდება ოცნება..
დრო მიდის არ ჩერდება,
სიცოცხლე გაგრძელდება,
ჩვენ წავალთ და სხვა მოვა,
მომავალი დარჩება...
და როცა ახალგაზრდებს
სიბერე მოგვერევა,
გული არ დაიჯერებს,
გული კვლავ ამღერდება...
სიცოცხლე გაგრძელდება,
გული არ დაბერდება...
და სანამ არ მოკვდება,
გული გულად დარჩება...
ოდესღაც ჩვენც მოვკვდებით,
ჩვენს ადგილას სხვა მოვა,
დარჩება აქ სახელი
და ჩვენი მოგონება...
ოდითგან ასე ხდება,
ქვეყნად რაც იბადება,
იზრდება და ბერდება,
მოკვდება და გაქრება.
---------------------
ქემო ქავთარი
No comments:
Post a Comment