კვლავ მომენატრე,
მე უშენობა
ისევ მტანჯავს და
ისევ მაწვალებს...
მოვალ და გნახავ,
ისევ გაკოცებ,
ისევ ჩავხედავ
მაგ ლამაზ თვალებს...
ჩემთან ხარ, მაგრამ
კვლავ მენატრები,
ჩემი არა ხარ...
კოცნა რა არის,
იმასაც მიშლი,
თუმცა გიყვარვარ!..
რამდენიც გინდა,
იმდენი მითხარ,
ნუ მკოცნი, თორემ
გაგიბრაზდები,
ვერ შეველევი,
ვერა, მაგ ტუჩებს,
მაგ ლამაზ თვალებს
ვერ დავშორდები...
შენ მხოლოდ ამბობ,
არა ჯერ არა...
რატომ ძვირფასო?..
მოგიტაცს ვინმე
და მერე რაღა...
მშვიდობით კარგო!..
--------------------------
ქემო ქავთარი
No comments:
Post a Comment