ასე უცნაურად, რატომ მიყურებ?
ნუთუ, გეშინია ჩემი?..
შენი სილამაზის მოტრფიალე ვარ,
ეს გული სნეულია შენით...
მე შენთვის მინდა,
რაც ამ ქვეყნად სიკეთე ხარობს.
შენთვის ვმღერივარ,
შენთვისა ვწერ
ამ სიმღერებს, პატარა ქალო!..
თვალებში თაფლი
და შავ თმებზე ბნელი ღამე,
გაღიმება გარიჟრაჟივით...
ვარდის სურნელი
თავბრუს მახვევს და მიზიდავს
ჯადოსნური ანდამატივით.
ასე უცნაურად, რატომ მიყურებ?
ნუთუ, სულ არ გესმის ჩემი?..
შენი სილამაზის მოტრფიალე ვარ,
ეს გული სნეულია შენით...
-----------------------
ქემო ქავთარი
No comments:
Post a Comment