წითელი ვარდები გიყვარდა,
მე კი არ მომქონდა შენთვის...
არ ვიცი, გწყინდა თუ არა,
ალბათ, მაპატიებს ღმერთი.
შენთვის სხვას მოჰქონდა ვარდები,
წითელი ვარდები, კარგო...
არ ვიცი, გიყვარდა, თუ არა,
მას კი არ უყვარდი ამ დროს.
მე შენგან მოკლული გული მაქვს,
შენ კი კვლავ მარიდებ თვალებს...
ალბათ, მას დარჩები, ძვირფასო,
ვინც შენთვის მეტ ვარდებს დაკრეფს.
რად გინდა ასეთი ვარდები,
მებაღის ტრფობას თუ არ გრძნობს?..
ფუჭია ვარდის სილამაზე,
თუ სიყვარული არ ათბობს!..
წითელი ვარდები გიყვარდა,
მე კი არ მომქონდა შენთვის...
არ ვიცი, გწყინდა თუ არა,
ალბათ მაპატიებს ღმერთი...
----------------------
ქემო ქავთარი
No comments:
Post a Comment