რა ვთქვა, ვინა ვარ?.. მე, უპატრონო,
იქნებ არცა ვარ ამ პლანეტელი...
იქნებ ხომალდით დავეშვი ციდან
და გავიჩინე აქ სამყოფელი...
იქნებ არცა ვარ აწ მე ცოცხალი,
იქნებ გავედი სოფლის ბოლოში...
იქნება არც კი დავბადებულვარ,
ან იქნებ ვზივარ მე ბნელ ორმოში.
იქნებ თევზი ვარ, ანდა ფრინველი,
ან იქნებ მხეცი გადარეული...
რა იცი, იქნებ ეშმაკიცა ვარ,
კაცთ უბედობით გახარებული?..
წუთისოფელი ძალზე რთულია,
ნუ გეგონებათ ასე მარტივი.
ზოგჯერ კაჭკაჭი ენაჭარტალა
შესაძლო არის გახდეს არწივი.
მეც ასე ვფიქრობ: რა ვარ?.. ვინა ვარ?..
ანდა სადა ვარ, სითგან მოსული?..
მინდა გავიგო, ვეღარ ვიხსენებ,
როგორი იყო ჩემი წარსული.
------------------------
ქემო ქავთარი
No comments:
Post a Comment