უჩინარი ხარ, ვერ გხედავდი და შორს მეგონე,
აქვე ყოფილხარ, კუდში დამდევ, თურმე, სიკვდილო!..
ბევრი კაი ყმა წაიყვანე და მე დამტოვე...
ვერ გამიგია, ვიცინო თუ უნდა ვიტირო.
ერთი ბოლო აქვს მდიდარს, ღარიბს, კეთილს და ბოროტს,
სუსტსა და ძლიერს... ცას და მიწას ვინ შერჩენია?..
აქ წუთისოფლის სტუმრები ვართ, დროებით ვცხოვრობთ,
ყველა მოკვდება, ქვეყანაზე ვინც გაჩენილა...
ჰეი, სიკვდილო, სანამ წავალთ თხოვნა მაქვს ერთი,
სულეთს მისულმა, რაღაცა ხომ უნდა ვაკეთო...
ისეთი საქმე მომინახე, დაგლოცავს ღმერთი,
იმ ქვეყნიდანაც ვემსახურო ჩემს საქართველოს!..
----------------------
ქემო ქავთარი
No comments:
Post a Comment